بالله خليني عله كيفي ..

أسرح ابْعالَم جَمالك

خل أَتَيِّه بيك ﭼـلمات العِشاﮔـه

وخل يظل حبك حليفي

واعتبرنِي اليوم شَمعه .. ذابت ابْلهفة وصالك

ياحقيقه انزرعَت ابْجوات ﮔـلبي

حتى لوشفتك يروح الروح طيفي

***********

ياوطن ماله حدود وماله آخر

ياوطن ﮔـاعه ارتوت شوﮒ ومشاعر

ياوطن منَّك وإلك .. متعَوِّد ابْلهفه أسافر

حسين ياأروع وطن بشواﮔـي جيتك

مْتَيِّهْ الْمَسْرَه يبو الشيمه اعتنيتك

حسين مالَحظه الـﮕـلب فارﮒ ثِنيتك

حسين ماعني غبت... ومادوريتك

حتى بطيوفِي ..حلم غافِي لـﮕـيتك

**************

آه ياسابِي الْـﮕـلوب ...

وهِيَّه لِـﮕـلوب ابْضعن سحرك سبيه

حبك الفتان بِطيوفه أذوب ..

واحترﮒ شوﮒ وأمانِي نرجسيه

أحترﮒ واطفه سويه

**************

حسين ياأسطورة الدهر الفريده

حسين ياصورة جلال وسكنت بكل النواظر

حسين ياتغريدة الكون الْمجيده

إنته ياسحر الْحروف ابْكل قصيده

***************

سامرت طيفك على اشفاف الليالِي

واسْرَحِت ويَّه الْهوى بْعالَم خيالِي

وبترافه ياأبوالأكبر وسط شوﮔـك هويت

عانـﮕـت نَجمات ليلِي

وماخضع للحظه حيلي

وحتى لوهدنِي الوكت ... تلـﮕـانِي بِطيوفك غفيت

ولو علَيَّه دَلْهَم انْهاري أشوفك ...

مشرق ابْكِلِّ الْجلاله اتْمَثليت

حسين فوﮒ اشفافِي ﭼـلمه... عَطرت بالشوﮒ ثغري

عالَم امْن الروعه سحري

حسين ياتخليد شعري .... حسين يانبضات صدري

فاتن الدنيه بْجمالك

وهامت ابْسـﭽـة جلالك

وآنه من مبدأ هواي اتْجننيت

ولو أطوف الكون كله.......

وانسج ابحبك روايه....

وأبحث بكل الزوايا..... حتى مابين الحنايا...

غير حبك مالـﮕـيت .. مالـﮕـيت

خادم أهل البيت (ع) أبوكرارالأحسائي